اسلام آباد۔ 08 ستمبر (اے پی پی) سپیکر قومی اسمبلی سردار ایاز صادق پاک بحریہ دے شہداء تے غازیاں کوں خراجِ عقیدت پیش کریندیں ہوئیں آکھیا جو پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے۔ یومِ بحریہ دے موقع تے آپݨے سنیھے اچ انہاں آکھیا جو اے ڈینہہ اساکوں پاک بحریہ دے انہاں بہادر سپوتاں دیاں قربانیاں …
پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے، سردار ایاز صادق
مزید خبراں
اسلام آباد۔ 08 ستمبر (اے پی پی) سپیکر قومی اسمبلی سردار ایاز صادق پاک بحریہ دے شہداء تے غازیاں کوں خراجِ عقیدت پیش کریندیں ہوئیں آکھیا جو پاک بحریہ دفاعِ وطن تے ملکی سمندری حدود دے تحفظ کیتے ہمیشہ عزم، جرأت تے پیشہ ورانہ صلاحیت دا مظاہرہ کیتے۔ یومِ بحریہ دے موقع تے آپݨے سنیھے اچ انہاں آکھیا جو اے ڈینہہ اساکوں پاک بحریہ دے انہاں بہادر سپوتاں دیاں قربانیاں تے خذمتاں دی یاد ݙویندے ڄنہاں وطن دے دفاع کیتے آپݨی جاناں دا نذرانہ پیش کیتا۔ سپیکر سردار ایاز صادق 1965ء دی جنگ اچ پاک بحریہ دی کارکردگی کوں خراجِ عقیدت پیش کریندیں ہوئیں آکھیا جو آپریشن دوارکا پاک بحریہ دی تاریخ دا ہک درخشاں باب اے، ڄیندے اچ دشمن دی اہم ساحلی تنصیبات تے ریڈار سٹیشن کوں نشانہ بݨایا ڳیا۔ انہاں آکھیا جو ایں جنگ دے دوران آبدوز غازی بحری محاذ تے آپݨی آپریشنل ذمہ داریاں موثر انداز اچ انجام ݙیندے ہوئیں دشمن دی بحری نقل و حرکت کوں محدود رکھیا۔ انہاں آکھیا جو افواجِ پاکستان دی مشترکہ پیشہ ورانہ صلاحیت، باہمی تعاون تے قومی جذبے ثابت کیتا جو پاکستان آپݨی خودمختاری تے علاقائی سالمیت دے دفاع دی مکمل صلاحیت رکھیندے۔انہاں آکھیا جو پوری قوم پاک بحریہ دے شہداء، غازیاں تے بہادر جواناں کوں سلام پیش کریندی اے تے انہاں دیاں قربانیاں تے خذمتاں کوں ہمیشہ قدر تے احترام دی نگاہ نال یاد رکھیسی۔ انہاں شہداء دے درجات دی بلندی تے پاکستان کوں امن، سلامتی تے ترقی تے خوشحالی عطا فرماوݨ دی دعا کیتی۔
