لاہور۔ 14 ستمبر (اے پی پی) صوبہ پنجاب دے حلقے این اے 168 دے ضمنی انتخابات دے سلسلے اچ مانیٹرنگ ٹیماں ضابطہ اخلاق دیاں خلاف ورزیاں تے نوٹس جاری کر ݙتن۔ ترجمان موجب صوبہ پنجاب اچ ضمنی انتخاب دے حوالے نال قومی اسمبلی دے حلقے این اے 168 بہاولپور اچ انتخابی مہم دے دوران مانیٹرنگ ٹیماں دا ضابطہ اخلاق دیاں خلاف ورزیاں تے ایکشن جاری اے جیندے تحت ڈسٹرکٹ مانیٹرنگ …
ضابطہ اخلاق دی خلاف ورزی تے 3 امیدواراں کوں نوٹس جاری، ترجمان
مزید خبراں
لاہور۔ 14 ستمبر (اے پی پی) صوبہ پنجاب دے حلقے این اے 168 دے ضمنی انتخابات دے سلسلے اچ مانیٹرنگ ٹیماں ضابطہ اخلاق دیاں خلاف ورزیاں تے نوٹس جاری کر ݙتن۔ ترجمان موجب صوبہ پنجاب اچ ضمنی انتخاب دے حوالے نال قومی اسمبلی دے حلقے این اے 168 بہاولپور اچ انتخابی مہم دے دوران مانیٹرنگ ٹیماں دا ضابطہ اخلاق دیاں خلاف ورزیاں تے ایکشن جاری اے جیندے تحت ڈسٹرکٹ مانیٹرنگ افسر انتخابی امیدواراں کوں ضابطہ اخلاق دیاں خلاف ورزیاں تے نوٹس جاری کیتے۔ ترجمان آکھیا جو امیدوار ملک منیر اقبال چنڑ کوں انتخابی مہم اچ اوور سائز تشہیری مواد استعمال کرݨ ڄݙاں جو امیدوار چوہدری ولی داد چیمہ کوں انتخابی ضابطہ اخلاق دے منافی تشہیری مواد استعمال کرݨ تے تے ایں طرح امیدوار اویس خاکوانی کوں انہاں دے سپورٹراں دی طرفوں ٻئی جماعت دے کارکناں کوں انتخابی مہم اچ رکاوٹ پاوݨ دے معاملے تے نوٹس جاری کیتے ڳئن۔ ترائی امیدواراں کوں 15 ستمبر 2026ء کوں تحریری وضاحت ڈسٹرکٹ مانیٹرنگ افسر دے دفتر اچ جمع کراوݨ دی ہدایت جاری کر ݙتیاں ڳئن۔ صوبائی الیکشن کمشنر پنجاب ڈسٹرکٹ مانیٹرنگ افسر کوں ہدایات ݙتن جو او انتخابی مہم دے دوران ضابطہ اخلاق تے سختی نال عملدرآمد کراون۔
