اسلام آباد۔1 اکتوبر (اے پی پی) وفاقی وزیرِ داخلہ محسن نقوی نیشنل پولیس اکیڈمی دا دورہ کیتا جتھاں انہاں جاری ترقیاتی تے اپ گریڈیشن منصوبیں دا معائنہ کیتا تے زیرِتربیت افسراں کیتے تیار کیتے ڳئے ماڈل رومز دا جائزہ ڳھدا۔ دورے تے وزیرِ داخلہ دی زیرِ صدارت اعلیٰ سطحی اجلاس تھیا جیندے اچ اکیڈمی اچ جاری تعمیراتی تے ترقیاتی کماں تے پیش رفت دا تفصیلی جائزہ ڳھدا ڳئے۔ وفاقی وزیرِ …
وفاقی وزیرِ داخلہ محسن نقوی دا نیشنل پولیس اکیڈمی دا دورہ
مزید خبراں
اسلام آباد۔1 اکتوبر (اے پی پی) وفاقی وزیرِ داخلہ محسن نقوی نیشنل پولیس اکیڈمی دا دورہ کیتا جتھاں انہاں جاری ترقیاتی تے اپ گریڈیشن منصوبیں دا معائنہ کیتا تے زیرِتربیت افسراں کیتے تیار کیتے ڳئے ماڈل رومز دا جائزہ ڳھدا۔ دورے تے وزیرِ داخلہ دی زیرِ صدارت اعلیٰ سطحی اجلاس تھیا جیندے اچ اکیڈمی اچ جاری تعمیراتی تے ترقیاتی کماں تے پیش رفت دا تفصیلی جائزہ ڳھدا ڳئے۔ وفاقی وزیرِ داخلہ اکیڈمی دے کانفرنس روم تے آڈیٹوریم دی نویں سروں تعمیر دی ہدایت کریندے زور ݙتا جو سارے منصوبے جامع منصوبہ بندی، اعلیٰ معیار تے مقررہ مدت دے اندر مکمل کیتے ونڄن۔ انہاں ݙسایا جو وزیرِ مملکت داخلہ نیشنل پولیس اکیڈمی دے اپ گریڈیشن منصوبیں دی روزانہ مانیٹرنگ کریندے پئن۔ محسن نقوی ہدایت کیتی جو زیرِ تربیت افسراں کوں سواٹ (SWAT) ٹیماں دے طرز دے جدید ترین تربیتی آلات ݙتے ونڄن تاں جو انہاں دی عملی استعدادِ کار اچ ودھارا ممکن تھی سڳے۔ انہاں مڈ کیریئر مینجمنٹ کورس کیتے ملک دی بہترین تے ماہر فیکلٹی دیاں خدمات حاصل کرݨ دی ہدایت وی جاری کیتی۔ اجلاس اچ فیصلہ کیتا ڳئے جو ایم سی ایم سی دے نصاب اچ جدید ڈیجیٹل پولیسنگ تے مصنوعی ذہانت دے خصوصی ماڈیولز شامل کرݨ دی سفارش کیتی ویسی۔ ایں موقع تے ڳالھ کریندے وفاقی وزیرِ داخلہ آکھیا جو پولیس افسراں دی تربیت کوں دورِ حاضر دے جدید تقاضیں نال ہم آہنگ کرݨ فورس دی پیشہ ورانہ صلاحیتاں تے مجموعی معیار کوں بہتر بݨاوݨ کیتے ناگزیر اے۔ دورے تے اجلاس دے دوران کمانڈنٹ نیشنل پولیس اکیڈمی، کیپٹل ڈویلپمنٹ اتھارٹی (سی ڈی اے) دے اعلیٰ افسران تے ٻئے متعلقہ حکام وی موجود ہن۔
