اسلام آباد۔1 اکتوبر (اے پی پی) وزیرِدفاع خواجہ محمد آصف آکھیے جو بانی پی ٹی آئی دی طرفوں کالعدم تحریکِ طالبان پاکستان (ٹی ٹی پی) کوں واپس گھن آتے خیبر پختونخوا اچ ول وساوݨ دے پچھوں مذموم عزائم کارفرما ہن۔ سوشل میڈیا پلیٹ فارم ’ایکس‘ تے جاری بیان اچ وزیردفاع موقف اختیار کیتا جو او انہاں عناصر اچ اپݨا ہک حلقہ پیدا کریندے پئن تاں جو پاکستان کوں ہک تابع …
بانی پی ٹی آئی دی طرفوں کالعدم ٹی ٹی پی کوں واپس گھن آتے کے پی اچ ول وساوݨ دے پچھوں مذموم عزائم کارفرما ہن، خواجہ محمد آصف
مزید خبراں
اسلام آباد۔1 اکتوبر (اے پی پی) وزیرِدفاع خواجہ محمد آصف آکھیے جو بانی پی ٹی آئی دی طرفوں کالعدم تحریکِ طالبان پاکستان (ٹی ٹی پی) کوں واپس گھن آتے خیبر پختونخوا اچ ول وساوݨ دے پچھوں مذموم عزائم کارفرما ہن۔ سوشل میڈیا پلیٹ فارم ’ایکس‘ تے جاری بیان اچ وزیردفاع موقف اختیار کیتا جو او انہاں عناصر اچ اپݨا ہک حلقہ پیدا کریندے پئن تاں جو پاکستان کوں ہک تابع ریاست بݨاوݨ دے ایجنڈے کوں اڳوں ودھاوݨ کیتے او نجی فوج دا کردار ادا کرسڳن۔ خواجہ آصف آکھیا جو اڄ خیبر پختونخوا حکومت ٹی ٹی پی دی جاری خونی تے دہشت گردانہ مہم دے سامݨے کہیں قسم دی مزاحمت نی ݙکھیندی پئی۔ انہاں الزام لاتا جو خیبر پختونخوا دی حکومت باقاعدہ ہک پالیسی دے تحت دہشت گردی دے متاثرین نال یکجہتی دے اظہار توں وی پہلو تہی اختیار کررکھی اے۔ وزیرِ دفاع آکھیا جو دہشت گردی دی ایں کھلی مہم دے سامݨے مطیع رہݨ دراصل دہشت گرداں دی کھلی معاونت تے حوصلہ افزائی دے مترادف اے۔
