آپریشن ردالفتنہ 3، بلوچستان دے ضلع کچھی اچ کواڈ کاپٹرز دے ذریعے سکیورٹی فورسز دا کامیاب حملہ، فتنہ الہندوستان دے 6 دہشت گرد ہلاک

راولپنڈی۔1 اکتوبر (اے پی پی) بلوچستان اچ تخریب کاری دے نیٹ ورکس دے خلاف جاری آپریشن ’ردالفتنہ 3‘ دے تحت سکیورٹی فورسز ضلع کچھی دے علاقے سنی اچ خفیہ اطلاعات تے فیصلہ کن کارروائی کریندے 6 دہشت گرداں کوں جہنم واصل کر ݙتا۔ سکیورٹی ذرائع موجب فتنہ الہندوستان دے دہشت گرداں کوں جدید کواڈ کاپٹرز دی مدد نال ٻہوں مہارت دے نال نشانہ بݨایا ڳئے، جیندے نتیجے اچ 6 شرپسند موقع تے ہی ہلاک تھی ڳئے۔ ہلاک دہشت گرداں دے قبضے توں باری مقدار اچ جدید اسلحہ تے گولہ بارود وی برآمد کرڳھدا ڳئے۔ علاقے اچ ممکنہ ٻئے سہولت کاراں تے شرپسنداں دے منڈھوں خاتمے کیتے سرچ تے کلیئرنس آپریشن بدستور جاری اے۔