اسلام آباد۔12 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار سارے متعلقہ وزارتاں تے ڈویژناں کوں ہدایت کیتی اے جو کفایت شعاری تے اضافی بچت دے اقدامات تے عمل درآمد تے نگرانی کمیٹی دے پچھلے اجلاساں اچ کیتے ڳئے فیصلیں تے مکمل تے موثر عمل درآمد یقینی بݨایا ونڄے۔ انہاں اخراجات کوں ضروری امور تئیں محدود رکھݨ تے قومی وسائل دے دانشمندانہ استعمال دی اہمیت …
نائب وزیراعظم اسحاق ڈار دی زیرِ صدارت کفایت شعاری تے اضافی بچت دے اقدامات تے عمل درآمد تے نگرانی کیتے کمیٹی دا اجلاس
مزید خبراں
اسلام آباد۔12 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار سارے متعلقہ وزارتاں تے ڈویژناں کوں ہدایت کیتی اے جو کفایت شعاری تے اضافی بچت دے اقدامات تے عمل درآمد تے نگرانی کمیٹی دے پچھلے اجلاساں اچ کیتے ڳئے فیصلیں تے مکمل تے موثر عمل درآمد یقینی بݨایا ونڄے۔ انہاں اخراجات کوں ضروری امور تئیں محدود رکھݨ تے قومی وسائل دے دانشمندانہ استعمال دی اہمیت تے زور ݙتے۔ترجمان وزارتِ خارجہ دے دفتر توں جاری بیان موجب نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت کفایت شعاری تے اضافی بچت دے اقدامات تے عمل درآمد تے نگرانی کیتے قائم کمیٹی دا اجلاس منعقد تھیا۔ اجلاس اچ مالیاتی نظم و ضبط برقرار رکھݨ تے خصوصی توجہ ݙیندے بچت تے کفایت شعاری دے اقدامات تے عمل درآمد تے پیشرفت دا جائزہ ڳھدا ڳیا۔نائب وزیراعظم و وزیرِ خارجہ سارے متعلقہ وزارتاں تے ڈویژناں کوں ہدایت کیتی جو پچھلے اجلاساں اچ کیتے ڳئے فیصلیں تے مکمل تے موثر عمل درآمد یقینی بݨایا ونڄے۔ انہاں اخراجات کوں ضروری امور تئیں محدود رکھݨ تے قومی وسائل دے دانشمندانہ استعمال دی اہمیت تے زور ݙتا۔اجلاس اچ وفاقی وزیر انفارمیشن ٹیکنالوجی و ٹیلی کمیونیکیشن شزا فاطمہ خواجہ، معاونِ خصوصی برائے وزیراعظم طارق باجوہ، سیکریٹری کابینہ، سیکریٹری خارجہ تے متعلقہ وزارتاں تے محکمیں دے سینئر حکام شرکت کیتی۔
