وفاقی وزیرِ داخلہ دی ہائپر سونک بیلسٹک میزائل ’فتح 2‘ توسیعی رینج دے کامیاب تجربے تے مبارکباد

اسلام آباد۔13 اکتوبر(اے پی پی)وفاقی وزیرِ داخلہ محسن نقوی ہائپر سونک بیلسٹک میزائل ’فتح 2‘ توسیعی رینج دے کامیاب تجربے تے پوری قوم کوں مبارکباد ݙتی اے اتے ایں تاریخی کامیابی کوں ملکی دفاع کیتے وݙا اہم قرار ݙتے۔ انہاں پاک فوج دے سائنسداناں اتے انجینئرز دی انتھک محنت اتے مہارت کوں خراجِ تحسین پیش کیتے جنہاں اے قابلِ فخر کارنامہ انجام ݙتے۔ محسن نقوی آکھیا جو ہائپر سونک بیلسٹک میزائل ’فتح 2‘ دا کامیاب تجربہ دفاعی شعبے اچ ہک زبردست اڳونہی اے جیندے نال پاکستان دی دفاعی صلاحیتاں ٻیاں تکڑیاں تھیسن۔ ایں اہم کامیابی نال پاکستان اڄ دفاع دے شعبے اچ ہک ٻیا تاریخی سنگِ میل پار کر گھدے۔