اسلام آباد۔13 اکتوبر(اے پی پی)وزیراعظم محمد شہباز شریف غیر قانونی ہجرت روکݨ اتے انسانی سمگلنگ مکاوݨ کیتے قانون سازی دی اصلاحات، ادارہ جاتی استحکام، مؤثر کارروائی اتے بین الاقوامی تعاون سانڳے پاکستان دیاں کوششاں ݙسیندے آکھیے جو پاکستانی ہنر مند کارکناں اتے پیشہ ور لوکاں کیتے قانونی رستے کھولݨ نال جتھاں یورپی ملکاں دی لیبر مارکیٹ دی لوڑھ پوری تھیسی اتھائیں غیر قانونی طریقیاں اتے سمگلنگ دے ڄال اچ پھسݨ …
وزیراعظم محمد شہباز شریف نال یورپی یونین کیتے کمشنر برائے داخلی امور تے مائیگریشن میگنس برونر دی ملاقات
اسلام آباد۔13 اکتوبر(اے پی پی)وزیراعظم محمد شہباز شریف غیر قانونی ہجرت روکݨ اتے انسانی سمگلنگ مکاوݨ کیتے قانون سازی دی اصلاحات، ادارہ جاتی استحکام، مؤثر کارروائی اتے بین الاقوامی تعاون سانڳے پاکستان دیاں کوششاں ݙسیندے آکھیے جو پاکستانی ہنر مند کارکناں اتے پیشہ ور لوکاں کیتے قانونی رستے کھولݨ نال جتھاں یورپی ملکاں دی لیبر مارکیٹ دی لوڑھ پوری تھیسی اتھائیں غیر قانونی طریقیاں اتے سمگلنگ دے ڄال اچ پھسݨ دے خطرات وی ڳھٹسن۔ انہاں اے قالھ اسلام آباد اچ یورپی یونین کیتے کمشنر برائے داخلی امور اتے مائیگریشن میگنس برونر نال ملݨ ویلھے آکھی۔ ملاقات اچ پاکستان اتے یورپی یونین وچال ہجرت (مائیگریشن) اتے نقل و حرکت (موبلٹی) دے شعبیاں اچ تعاون ودھاوݨ تے ڳالھ تھئی۔ وزیراعظم پاکستان-یورپی یونین سٹریٹجک انگیجمنٹ پلان دے شعبیاں اچ تعاون مضبوط بݨاوݨ دا عزم دوہریندے آکھیا جو غیر قانونی نقل مکانی روکݨ دیاں کوششاں دے نال نال محفوظ، منظم اتے قانونی ہجرت دے عملی موقعے ݙیوݨے چاہیدن۔ کمشنر برونر حکومتِ پاکستان دے اقدامات اتے تعاون دی تعریف کریندے آکھیا جو اے کوششاں قانونی ہجرت دے رستے کھولݨ اتے پاکستان تے یورپی یونین وچال باہمی مفاد تے مبنی لیبر موبلٹی (ملازمت کیتے نقل مکانی) ودھاوݨ کیتے مثبت کردار ادا کریسن۔
