اسلام آباد ۔ 08 اپریل(اے پی پی) صدر مملکت ممنون حسین آکھیا جو انتہاپسندی دے گمراہ گن انداز فکر دی بیخ کنی سانگے دینِ مبین دی تعلیمات دی روشنی اچ جوابی بیانیہ ویلھے دی اہم ترین لوڑھ اے،جوابی بیانیہ دی تیاری سانگے عالم اسلام دے دانش ور رل تے کم کریسن،دہشت گردی ہک عالم گیر فتنہ اے جئیں نال نبڑنڑ سانگے متفقہ لائحہ عمل اختیا ر کرنڑ دی لوڑھ اے۔صدرمملکت …
،، صدر مملکت ممنون حسین دی امام کعبہ شیخ صالح محمد بن طالب نال ملاقات اچ گالھ مہاڑ
اسلام آباد ۔ 08 اپریل(اے پی پی) صدر مملکت ممنون حسین آکھیا جو انتہاپسندی دے گمراہ گن انداز فکر دی بیخ کنی سانگے دینِ مبین دی تعلیمات دی روشنی اچ جوابی بیانیہ ویلھے دی اہم ترین لوڑھ اے،جوابی بیانیہ دی تیاری سانگے عالم اسلام دے دانش ور رل تے کم کریسن،دہشت گردی ہک عالم گیر فتنہ اے جئیں نال نبڑنڑ سانگے متفقہ لائحہ عمل اختیا ر کرنڑ دی لوڑھ اے۔صدرمملکت اے گالھ امام کعبہ شیخ صالح محمد بن طالب نال ملاقات اچ گالھ مہاڑ کریندیں ہوئیں آکھی جنہاں ہفتہ کوں ایوان صدر اچ انہاں نال ملاقات کیتی۔ایں موقع تے وفاقی وزیر مذہبی امور سردار محمد یوسف،قومی اسمبلی دی قائمہ کمیٹی دے چیئر مین حافظ عبدالکریم ، سینیٹرطلحہ محمود، سعودی سفارت کار اتے بئے اعلیٰ حکام موجود ہن ۔ امام کعبہ شیخ صالح محمد بن طالب آکھیا جو پاکستان اتے سعودی عرب ہک سوچے سمجھے منصوبے دے تحت دہشت گردی کوں ودھیندے پئن ۔دشمن نی چاہنداں جو ڈوہیں ملک اقتصادی ترقی کرن،ایں سانگے دہشت گردی دی سرپرستی کرنڑ آلے عناصر تے کڑی نظر رکھیندن۔ایں موقع تے عالم اسلام دی ترقی،استحکام اتے دہشت گردی دے خاتمے سانگے خصوصی دعا وی کیتی گئی۔
