پنجاب کابینہ 5903 ارب روپے دے بجٹ 27-2026 دی منظوری ݙے ݙتی  

لاہور۔16 جون(اے پی پی)پنجاب کابینہ 5903 ارب روپے دے بجٹ 27-2026 دی منظوری ݙے ݙتی اے۔ وزیرِاعلیٰ پنجاب مریم نواز شریف دی زیرِ صدارت صوبائی کابینہ پنجاب دے بجٹ 27-2026 دی منظوری ݙتی اے۔ صوبائی وزیرِ خزانہ مجتبیٰ شجاع الرحمن پنجاب دے 5903 ارب روپے حجم دے بجٹ بارے کابینہ کوں تفصیل ݙسائی۔ بجٹ اچ ترقیاتی بجٹ 752 ارب روپے مختص کرݨ دی تجویز ݙتی ڳئی، پینشن اتے تنخواہیں اچ 7 فیصد اضافے دی تجویز ݙتی ڳئی۔ اجلاس اچ سینئر وزیر مریم اورنگزیب سودھا صوبائی وزراء، چیف سیکرٹری، چیئرمین پی اینڈ ڈی، سیکرٹری خزانہ سودھا ٻئے افسران شریک تھئے۔ وزیرِاعلیٰ پنجاب مریم نواز شریف آکھیا جو تریڄھا بجٹ پیش کرݨ تے اللہ تعالیٰ دا شکر ادا کریندے ہیں، وفاقی حکومت کوں دفاع اتے ٻیاں مد اچ پنجاب سب توں ودھ حصہ ݙتے۔ مریم نواز شریف آکھیا جو این ایف سی شیئر گھٹ تھیوݨ دے باوجود اپݨے عوام کوں اپݨے وسائل توں ریلیف ݙیوݨ کیتے پرعزم ہیں، عوام کوں ریلیف ݙیوݨ دا عہد پورا کرݨ کیتے بیماریدی حالت اچ وی ویڈیو لنک میٹنگز کیتن۔ انھاں آکھیا جو عوام دے ریلیف اتے خدمت دا سفر پہلے آلی کار جاری رہسی، پنجاب دے عوام دی ترقی دے سفر تے کوئی سمجھوتہ نا کیتا ویسی۔