وزیراعظم محمد نواز شریف دا یوم دستور دے موقع تے پیغام

پاکستان دا دستور بلا امتیازسارے شہریاں دے بنیادی حقوق دا تحفظ کرینداہے ، یوم دستور مناونڑ دی روایت توں آئین دی بالادستی برقرار رکھنڑ دے جذبے کوں تقویت مل ویسی
اسلام آباد ۔ 10 اپریل (اے پی پی) وزیراعظم محمد نواز شریف آکھیا ہے جو پاکستان دا دستور بلا امتیازسارے شہریاں دے بنیادی حقوق دا تحفظ کرینداہے ، یوم دستور مناونڑ دی روایت توں آئین دی بالادستی برقرار رکھنڑ دے جذبے کوں تقویت مل ویسی ۔انہاں اے گالھ سنوار کوں یوم دستور دے موقع تے اپنڑے سنھیے اچ آکھی ۔وزیراعظم یوم دستور دے موقع تے پاکستانی عوام کوں مبارک باد پیش کریندے ہوئیں آکھیا ہے جو اے ڈینھ سارے شہریاں تے رہنماواں دیاں کوششاں تے کردار کوں نشابر کرینداہے جنہاں قومی اتفاق رائے دے ذریعے دستور سازی سانگے ودھ ساری محنت کیتی ہے ۔انہاں آکھیا جو اے ڈینھ سارے پاکستانیاں کوں وی خراج تحسین پیش کرنڑ سانگے وقف ہے جنہاں جمہوریت اتے قنون دی حکمرانی سانگے قربانیاں ڈتیاں ۔وزیراعظم آکھیا جو بحیثیت قوم اساں ساریں کوں سمجھنڑاں چاہیدا ہے جو ملک دا علیٰ قنونی اثباتی ہمہ جہت تے شراکتی ہوونڑاں چاہیدا ہے ۔ایں ضمن اچ میں سانگے اے امر باعث اطمینان ہے جو پاکستان دا آئین بلا امتیاز سارے شہریاں دے بنیادی حقوق دے تحفظ کوں یقینی بنڑینداہے ایں دی بدولت ہک مضبوط وفاقی دی بنیاد رکھیندا ہے ۔ وزیراعظم آئین دے مطابق پاکستانی عوام دے حقوق و فرائض دے عزم دا از سر نو اعادہ کرنڑ دی کوششاں تے سینیٹ آف پاکستان کو ں وی مبارک باد ڈتی ۔