اسلام آباد ۔ 10 اپریل (اے پی پی) وزیراعظم محمد نواز شریف آکھیا جو گھٹ توں گھٹ ویلھے اچ بجلی دی لوڈشیڈنگ دا پورا خاتمہ کرنڑ حکومت دی پہلی ترجیح اے،حکومت ایں مقصد سانگے گزریل ترائے سالیں اچ تکھے کم کیتے اتے مطلوبہ ہدف گھنڑ سانگے سارے بنیادی کم پورے تھی گئن،لوڈشیڈنگ فری پاکستان سانگے سدھے پاسے ٹردے پیسے،جاری منصوبے پورے کرنڑ سانگے مقررہ ویلھے بارے کوئی سستی برداشت کائنا …
وزیراعظم محمد نواز شریف دا توانائی بارے کابینہ کمیٹی تے اجلاس توں خطاب
اسلام آباد ۔ 10 اپریل (اے پی پی) وزیراعظم محمد نواز شریف آکھیا جو گھٹ توں گھٹ ویلھے اچ بجلی دی لوڈشیڈنگ دا پورا خاتمہ کرنڑ حکومت دی پہلی ترجیح اے،حکومت ایں مقصد سانگے گزریل ترائے سالیں اچ تکھے کم کیتے اتے مطلوبہ ہدف گھنڑ سانگے سارے بنیادی کم پورے تھی گئن،لوڈشیڈنگ فری پاکستان سانگے سدھے پاسے ٹردے پیسے،جاری منصوبے پورے کرنڑ سانگے مقررہ ویلھے بارے کوئی سستی برداشت کائنا کیتی ویسی۔انہاں اے گالھ سنوار کوں اتھاں توانائی بارے کابینہ کمیٹی تے اجلاس توں خطاب کریندیں ہوئیں آکھی۔سیکرٹری پانڑی تے بجلی اجلاس کوں ایں موسم اچ درجہ حرارت اچ جلدی ودھارے اتے ذخائر اچ پانڑی دی سطح گھٹ تھیونڑ پاروں بجلی دی منگ اچ ودھارے بارے ڈسایا،اجلاس کوں بجلی دی منگ اتے رسد بارے ڈسایا گئیا۔اجلاس کوں ڈسایا گئیا جو 2017ء دے چھیکڑ تئیں 5710میگاواٹ بجلی نظام اچ رل ویسی۔توانائی بارے کابینہ کمیٹی دی سفارش توثیق سانگے وفاقی کابینہ دے آندے اجلاس اچ پیش کیتی ویسی۔ وزیرخزانہ محمد اسحاق ڈار، وزیرپانڑی تے بجلی خواجہ محمد آصف، وزیر منصوبہ بندی و ترقی احسن اقبال، وزیراعلیٰ پنجاب شہباز شریف اتے سینئر حکام شریک تھیے۔
