پاکستان اتے چین سی پیک کوں معاشی ترقی، صنعتی انقلاب اتے جدید زراعتی نظام دے عمل انگیز د ے طور تے استوار کرنڑ ویندے پئے ہن، پاکستان اقتصادی سفارتکاری تے خصوصی توجہ ڈیندا پئے، حفظ پسندی اتے یکطرفہ سوچ رکھنڑ آلیاں طاقتاں ہک واری ول اجتماعی معاشی رحجان سانگے خطرے دی وجہ بنڑدیاں پن وزیر خارجہ شاہ محمود قریشی دا چائنا کونسل دے اہم فورم توں خطاب

بیجنگ ۔ 8 اکتوبر (اے پی پی) وزیر خارجہ شاہ محمود قریشی آکھیے جوپاکستان اتے چین سی پیک کوں معاشی ترقی، صنعتی انقلاب اتے جدید زراعتی نظام دے عمل انگیز د ے طور تے استوار کرنڑ ویندے پئے ہن، پاکستان اقتصادی سفارتکاری تے خصوصی توجہ ڈیندا پئے، حفظ پسندی اتے یکطرفہ سوچ رکھنڑ آلیاں طاقتاں ہک وارولا اجتماعی معاشی رحجان سانگے خطرے دی وجہ بنڑدیاں پن۔ایہ گالھ وزیر خارجہ منگل کوں بیجنگ اچ بین الاقوامی تجارت دے ودھارے سانگے چائنا کونسل( سی سی پی آئی ٹی) دے اہم فورم توں خطاب کریندے ہوئیں آکھی۔وزیر خارجہ عوامی جمہوریہ چین دی اکہترویں سالگِرہ دے موقع تے شرکاءکوں مبارخباد ڈیندے ہوئٰیں آکھیا جوا یہ خوشی دی گالھ ہے جو گزریل ست دہائیاں اچ اساڈے یار اتے بھرا ملک چین ودھ سارے محاذاں تے چنگیاںاہم کامیابیاں حاصل کیتیاں۔انہاں آکھیا جو ایف ٹی اے دا نواں مرحلے توں وڈا فائدہ تھیسی کیونجو پاکستان اتے چین نویں تجارتی تے اقتصادی تعاون آلے پاسے ودھدا پئے ۔انہاں آکھیا جو پاکستان تے چین صنعتی ترقی اتے خصوصی اقتصادی زونز بنڑاونڑ ویندے پن۔ انہاں آکھیا جو پاکستان خطے اچ چنگی تجارتی اتے سرمایہ کاری آلیاں پالیسیاں تے عمل کر تے سرمایہ کاری کوں ودھا سگدن ۔