اسلام آباد ۔ 16 اکتوبر (اے پی پی) وزیر مملکت پارلیمانی امور علی محمد خان آکھیے جو جمہوری حکومت کوں بلیک میل کرنڑ دی کہیں وی کوشش کوں ہرگز برداشت کائناں کیتا ویسی ،ملک اچ بلا تفریق احتساب دے عمل اچ رکاوٹاں پیدا کرنڑ آلے لوکاں کوں مایوسی دا سامنڑاں کرنڑاں پوسی ۔بدھ کوں ہک نجی نیوز چینل نال گال مہاڑ کریندے ہوئیں وزیر مملکت اپوزیشن کوں تنقید دا نشانہ بنڑائے تے جمعیت علمائے اسلام (ف) دے سربراہ کوں بلیک میل کرنڑ دی پالیسی تے خبردار کیتے تے آکھیے جو ایندے نتیجے بہوں خطرناک ہوسن ۔انہاں آکھیے جو وزیر اعظم مسئلہ کشمیر دی عالمی سطح تے اجاگر اتے مقبوضہ علاقے اچ مسلماناں دے خلاف بھارتی ظلم کوں بے نقاب کیتے۔انہاں آکھیے مختلف شعبیں اچ وڈی اصلاحات تے قانون سازی کیتی ویسی لیکن کرپٹ مافیا دے خلاف جدوجہد جاری رکھی ویسی۔انہاں آکھیے جو جے یو آئی (ف) دے سربراہ مولانا فضل الرحمان دا نام نہاد آزادی مارچ کشمیریاں دی آزادی کیتے کائنی بلکہ قومی خزانے دی لٹ مار کرنڑ آلیں دی حمایت کیتے اے ۔انہاں آکھیے جو قانون ہر ہک تے ہکے طور تے لاگو تھیسی ،جے یو آئی ف دے سربراہ اپنڑے ذاتی مقاصد حاصل کرنڑ کیتے ملک اچ دھرنے تے الزام لاونڑ دی سیاست دے ذمے وار ہن ۔
