وزیراعظم عمران خان پارٹی آئین اچ ترمیم، نویں تنظیمی ڈھانچے دی باضابطہ منظوری ڈے ڈتی پنجاب، خیبر پختونخوا اتے بلوچستان اچ ریجن دی سطح تے تنظیمی ڈھانچے بنڑاونڑدا اعلان ، سندھ اچ ریجنز بنڑاونڑ سانگے بیا صلاح مشورہ کرنڑ دا فیصلہ، آزادکشمیر اچ ساریاں ڈویژنز تے مشتمل ہک ریجن بنڑایا ویسی، گلگت بلتستان دے ریجن اچ ساریاں ڈویژناں شامل ہوسن، چیف آرگنائزر سیف اللہ خان نیازی

اسلام آباد ۔ 21 اکتوبر (اے پی پی) وزیراعظم عمران خان پارٹی آئین اچ ترمیم، نویں تنظیمی ڈھانچے دی باضابطہ منظوری ڈے ڈتی، وزیراعظم دی منظوری نال چیف آرگنائزر سیف اللہ خان نیازی باضابطہ نوٹیفکیشن جاری کرڈتے ۔ سنوار کوں پی ٹی آئی دے مرکزی میڈیا ڈیپارٹمنٹ ولوں جاری بیان مطابق پاکستان تحریک انصاف دے چیف آرگنائزر سیف اللہ خان نیازی آکھیا جووزیراعظم پنجاب، خیبر پختونخوا اتے بلوچستان اچ ریجن دی سطح تے تنظیمی ڈھانچے بنڑاونڑدا اعلان کیتے۔ سندھ اچ ریجنز بنڑاونڑ سانگے بیا صلاح مشورہ کرنڑ دا فیصلہ کیتا گئے ، آزادکشمیر اچ ساریاں ڈویژنز تے مشتمل ہک ریجن بنڑایا ویسی،جڈاں جو گلگت بلتستان دے ریجن اچ ساریاں ڈویژناں شامل ہوسن۔