پاکستان ریلوے ایم ایل ون منصوبے دا پی سی ون تیار کرگھدے، مارچ تئیں منصوبے تے کم شروع تھی ویسی ،وفاقی وزیر ریلوے شیخ رشید احمد

راولپنڈی ۔ 22 اکتوبر (اے پی پی) وفاقی وزیر ریلوے شیخ رشید احمد آکھیے جو پاکستان ریلوے ایم ایل ون منصوبے دا پی سی ون تیار کرگھدے، مارچ تئیں منصوبے تے کم شروع تھی ویسی ۔اٹا گھیو کھنڈ مہانگی تھیونڑ دی ذمے وار سابق حکومت اے ،لٹھ بردار جتھیں کوں امن خراب کائناں کرنڑ ڈتا ویسی ،اگر کہیں اینویں کیتا تاں قانون حرکت اچ آسی ۔عوام کوں مسلح لوکاں دے رحم وکرم تے نی چھوڑیا ونج سگدا ،پاکستان کوں اندروں خطرہ اے باہروں کوئی کائنی ،پاکستان دیاں سرحداں تے فوجاں موجود ہن ،کلستر بم وی استعمال تھیندے پن ،ایٹم بم ڈیکھنڑ کیتے کائنی استعمال کرنڑ کیتے رکھیا ہویا اے ، مولانا فضل الرحمن دی پھوکڑیں پھٹنڑ ویندی پئی اے ، مسئلہ کشمیرنال مولانا فضل الرحمن دا کوئی واسطہ کائنی، مودی پانڑیں بند کرنڑ دا اکھیندا کھڑے ایندے تے چپ نی رہیا ونج سگدا ،پہلے وی آکھیا ہئی جو مودی خطرناک ذہن رکھیندے اتے سلامتی کونسل دی مستقل ممبر شپ چاہندے۔ اے گال انہاں منگل کوں ریلوے دستکاری سکول راولپنڈی اچ بیوٹیشن ،کوکنگ کلاساں دے شروع تے پاک دے افتتاح دے موقع تے تقریب نال خطاب کریندے ہوئیں آکھی اے ایں موقع تے ڈویژنل سپریٹنڈنٹ ریلوے منور شاہ سمیت ریلوے دے بئے حکام موجود ہن ۔انہاں آکھیے جو چین دے وزیراعظم تے وزیر ٹرانسپورٹ کوں ایم ایل ون منصوبے دی افتتاحی تقریب کیتے سڈیا ویسی ، 138 مسافر ریل گاڈیاں تے 16 مال گاڈیاں چلاونڑ دے باوجود 17لکھ گیلنڑ تیل بچایا گے ۔ وفاقی وزیر ریلوے آکھیے جو2010ءاچ پاکستان ریلوے دے ست ہزار ملازماں کوں 50 فیصد الاﺅنس گھٹ ڈتا ویندا پئے، پاکستان ریلوے موجودہ حکومت دے دور اچ ریونیو دی مد اچ 600 ملین اضافی حاصل کیتن جیں کوں استعمال کریندے ہوئیں ریلوے پولیس دے ملازماں دیاں تنخاہیں سول آرمڈ فورسز، موٹروے پولیس اتے نیشنل ہائی پولیس دے بربر کیتیاں گن ۔ ریلوے دے 80 لکھ ودھ مسافر تھی گن ۔