وزیراعظم عمران خان دی صدارت اچ اجلاس، مقامی حکومتاں دے نظام تے عمل درآمد اچ پیش رفت بارے ڈسایا گیا، پنجاب میونسپل سروسز پروگرام بارے بریفنگ ڈتی گی ، اجلاس اچ وزیر اعلیٰ، صوبائی وزیراں اتے سینئر حکام دی شرکت

لاہور۔ 28 اکتوبر (اے پی پی) وزیراعظم عمران خان دی صدارت اچ سنوار کوں مقامی حکومتاں دے نظام بارے اجلاس لہور اچ تھیا ۔ اجلاس اچ وزیر اعلیٰ پنجاب سردار عثمان بزدار، صوبائی وزیر قنون راجہ بشارت، صوبائی ویر خزانہ مخدوم ہاشم جوان بخت، صوبائی وزیر ہاوسنگ میاں محمود الرشید، چیف سیکرٹری پنجاب نسیم یوسف کھوکھر، چیئرمین پلاننگ اینڈ ڈویلپمنٹ حبیب الرحمان، صوبائی سیکرٹریاں اتے بئے سینئر افسراں شرکت کیتی۔ اجلاس اچ وزیر اعظم کوں مقامی حکومتاں دے نظام تے عمل درآمد اتے پیش رفت بارے ڈسایا گیا۔ وزیراعظم کو ں پنجاب میونسپل سروسز پروگرام دے حوالے نال وی تفصیلی بریفنگ ڈتی گی ۔ لوکل گورنمنٹ اینڈ کمیونٹی ڈویلپمنٹ ڈیپارٹمنٹ دے اعلی افسراں وزیر اعظم کوں ایں سانگے کیتی گی منصوبہ بندی بارے ڈسایا۔