سیکرٹری داخلہ دی صدارت اچ اجلاس،جے یو آئی بارے معاملیاں تے غو ر کیتا گے،کیتے گے اقدامات دا جائزہ گھدا گیا

اسلام آباد ۔ 30 اکتوبر (اے پی پی) حکومت ’ جمعیت علمائے اسلام (ف) دے آزادی مارچ بارے معاہدے دے مطابق پورا تعاون کرنڑ دا فیصلہ کیتے ،حکومت معاہدے دی پاسداری کرنڑ آلیاں نال پورا تعاون کریسی،معاہدے دی پاسدادی نہ کرنڑ تے صورتحال نال نبڑنڑ دی حکمت عملی بنڑا گھدی اے،جلسہ اتے مارچ دی سکیورٹی کوں یقینی بنڑایا ویسی،حساس جہیں تے فوج لا ڈتی گئی اے،ریڈزون اچ داخلہ ممنوع ہوسی،شہریاں کوں تکلیف توں بچنڑ سانگے متبادل رستیاں دی تشہیر کیتی ویسی،نان کسٹم پیڈ گاڈیاں دے داخلے اتے ہر قسم دے اسلحہ تے پابندی ہوسی۔چیکنگ دا لائحہ عمل بنڑا تے جے یو آئی ف دی قیادت کوں ڈسا ڈتا گے۔وزارت داخلہ ولوں جاری بیان دے مطابق سیکرٹری داخلہ دی صدارت اچ اجلاس،جے یو آئی بارے معاملیاں تے غو ر کیتا گے،کیتے گے اقدامات دا جائزہ گھدا گیا ۔