حکومتی کمیٹی اتے تاجر تنظیماں اچ مذاکرات کامیاب تھی گئن،تاجراں سانگے شناختی کارڈ دی شرط31جنوری 2020ءتئیں موخر کر ڈتی گی اے،معاہدے تھی گئے ،

اسلام آباد ۔ 30 اکتوبر (اے پی پی)حکومتی کمیٹی اتے تاجر تنظیماں اچ مذاکرات کامیاب تھی گئن،تاجراں سانگے شناختی کارڈ دی شرط31جنوری 2020ءتئیں موخر کر ڈتی گی اے،معاہدے تھی گئے۔ معاہدہ دے مطابق سالانہ 10 کروڑ تئیں دی ٹرن اوور آلا تاجر 1.5 فیصد ٹرن اوور ٹیکس دی بجائے 0.5 فیصد ٹرن اوور ٹیکس ڈیسی، 10 کروڑ دی ٹرن اوور آلا تاجر ود ہولڈنگ ایجنٹ کائنا بنڑسی، سیلز ٹیکس رجسٹریشن سانگے سالانہ بجلی دے بل دی حد 6لکھ روپے توں ودھا کراہیں 12لکھ روپے کرڈتی گئی اے۔حکومتی کمیٹی اتے تاجر تنظیماں دے نمائندیاں اچ مذاکرات دے بعد میڈیا نال گالھ مہاڑ کریندیں ہوئیں وزیراعظم دے مشیر برائے خزانہ تے محصولات ڈاکٹر عبدالحفیظ شیخ آکھیا جو حکومتی کمیٹی اتے تاجر برادری اچ مذاکرات کامیاب تھی گن،تاجراں سانگے شناختی کارڈ دی شرط31جنوری 2020ءتئیں موخر کر ڈتی گی اے،معاہدے تھی گئے ۔انہاں آکھیا جو وزیراعظم عمران خان دی ہر پالیسی پاکستان دی عوام دی فلاح تے بہبود سانگے اے،حکومت معیشت کوں مستحکم اتے بڑھوتری ڈیونڑ چاہندی اے۔معاہدہ تے چیئرمین ایف بی آر سیّد شبر زیدی اتے تاجراں تنظیماں دے نمائندے خواجہ محمد شفیق، اجمل بلوچ، خواجہ سلمان صدیق، شیخ عبدالعلیم اتے محمد کاشف چوہدری دستخط کیتے۔