اسلام آباد ۔ 31اکتوبر (اے پی پی) وزیر داخلہ اعجاز احمد شاہ آکھیے جو مولانا فضل الرحمن احتجاجی مارچ کوں اپوزیشن دا احتجاجی مارچ بنڑاونڑ اچ ناکام رہین،کجھ عناصر مولانا فضل الرحمن دا مونڈھا استعمال کر تے حکومت کوں نشانہ بنڑاونر چاہندے ہن،وزیراعظم مظاہرین نال سیاسی انداز اچ نمٹنڑ دا فیصلہ کیتے تہوں مارچ کوں کتھائیں نئیں روکیا گیاہتھو سہولتاں ڈتیاں گین،۔ اسلام آباد اچ وزیراعظم دی معاون خصوصی برائے …
مولانا فضل الرحمن احتجاجی مارچ کوں اپوزیشن دا احتجاجی مارچ بنڑاونڑ اچ ناکام رہین،وزیراعظم دی ہدایت تے مولانا دا مارچ کتھائیں نئیں روکیا ہتھو سہولتاں ڈتن،لوکان دی جان مال دا تحفظ یقینی بنڑیسوں،وزیر داخلہ اعجاز احمد شاہ دی وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دے رلے پریس کانفرنس
اسلام آباد ۔ 31اکتوبر (اے پی پی) وزیر داخلہ اعجاز احمد شاہ آکھیے جو مولانا فضل الرحمن احتجاجی مارچ کوں اپوزیشن دا احتجاجی مارچ بنڑاونڑ اچ ناکام رہین،کجھ عناصر مولانا فضل الرحمن دا مونڈھا استعمال کر تے حکومت کوں نشانہ بنڑاونر چاہندے ہن،وزیراعظم مظاہرین نال سیاسی انداز اچ نمٹنڑ دا فیصلہ کیتے تہوں مارچ کوں کتھائیں نئیں روکیا گیاہتھو سہولتاں ڈتیاں گین،۔ اسلام آباد اچ وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان دے رلے پریس کانفرنس کریندے ہوئے انہاںا ٓکھیے جو احتجاجی مارچ پاروں اپوزیشن اتے حکومت وچال کشیدگی ہئی بھل وزیراعظم ایندے باوجود مارچ نہ روکنڑ دا فیصلہ کیتے مذاکرات دا رستہ اپنائے اتے اپنڑی مذاکراتی ٹیم بھیجی ، احتجاج دے این او سی دے نال نال ہک ستتری نکاتی ضابطہ اخلاق تے وی دستخط کیتن تاں جو ہر معاملہ امن نال توڑ پجے اتے حکومت وعدے دے مطابق سہولت ڈتی اے۔ انہاں آکھیے جو اساں پر امن طریقے نال انتظامی دی بجائے سیاسی طریقے نال مارچ نال نمٹنڑ چاہندے ہیں بھل جیکر مارچ آلیاں معاہدے یا ضابطہ اخلاق دی خلاف ورزی کیتی، ڈتی گئی جسلہ گاہ توں ڈی چوک دو منہ کیتا تاں قانون موجود اے ایندے مطابق کارروائی کیتی ویسی۔
