اسلام آباد ۔06 دسمبر (اے پی پی) وزیر اعظم دے معاون خصوصی امور نوجوانان محمد عثمان ڈار آکھیے جو نینگراں کوں بااختیار بنڑاونڑ کیتے حکومتی منصوبے دا عملی آغاز تھی گے ، کامیاب جوان پروگرام دے پہلے مرحلے اچ 100 ارب روپے رکھیے گن ، پروگرام دے تحت ہک توں 50 اکھ روپے تئیں دے چیک نینگراں کوں ڈتے ویسن ، فاٹا تے قبائلی ضلعیں سمیت پورے ملک توں نینگراں کوں رقم ڈتی ویسی ۔اے گال انہاں جمعے کوں اپنڑے بیان اچ آکھی اے ۔ عثمان ڈارآکھیا جو وزیراعظم کامیاب جوان پروگرام دے تحت نینگراں اچ چیک ونڈنڑ دی تقریب نال خصوصی خطاب کریسن ۔انہاں آکھیے جوکامیاب جوان پروگرام منصوبہ خواب توں حقیقت بنڑدا پئے ۔وزیراعظم اج جمعے کوں نینگراں نال کیتا گیا وعدہ پورا کرنڑ ویندے پن ۔نینگراں کوں ملک دی معاشی طاقت بنڑیسوں۔
