اسلام آباد ۔ 10 دسمبر (اے پی پی) چیئرمین سینیٹ محمد صادق سنجرانی سابق سینیٹر مولانا تنویر الحق تھانوی دی ذال دے انتقال تے ڈکھ تے افسوس کیتے ۔ منگل کوں چیئرمین سینیٹ محمد صادق سنجرانی انہاں دے خاندان نال تعزیت دا اظہار کریندے ہوئیں دعا کیتی جو مرحومہ کوں اللہ سئیں جوار رحمت اچ جاہ ڈیوے ڈکھی خاندان کوں اے ڈکھ برداشت کرنڑ دی ہمت تے حوصلہ ڈیوے ۔ ڈپٹی چیئرمین سینیٹ سینیٹر سلیم مانڈوی والا ، قائد ایوان سینیٹ سینیٹر شبلی فراز، قائد حزب اختلاف سینیٹ سینیٹر راجہ محمد ظفرالحق وی سابق سینیٹرتنویر الحق تھانوی دی ذال دے انتقال تے افسوس ، اتے انہاں دے اچے درجے کیتے دعا منگی اے۔
