اسلام آباد ۔ 4 مئی (اے پی پی) وزیرِ اعظم عمران خان ہک اجلاس دی اگوانڑی کریندے ممبران قومی و صوبائی اسمبلی کوں ہدایت کیتی اے جو ایں اوکھے ویلھے عوام کوں ریلیف ڈیونڑ اتے حفاظتی تدابیر اختیار کرنڑ اچ ہتھ ونڈاونڑ کیتے کوششاں کرن،حکومت بدلدے حالات پاروں فیصلہ کیتے جو کجھ ڈینھ اچ لاک داون اچ نرمی کر ڈتی ونجے تاں جو کرونا پاروں معاشی حالات کوں سدھارنڑ اتے عوام کوں سوکھ دٰونڑ اچ مدد مل سگے۔ وزیراعظم آکھیے جو لاک ڈاون اچ نرمی دے باوجود ہر شعبے کیتے کرونا توں حفاظتی اقدامات سانگے جامع ایس او پیز بنڑا گھدن ۔ انہاںا ٓکھیے جو حکومت اوکھے معاشی حالات دے باوجود عوام کوں ہرممکن ریلیف ڈیونڑ دی کوشش اچ اے،ایں سانگے 1.25کھرب روپے دکے معاشی پیکیج دکا اعلان کیتا گئے اتے ملک دے سوا کروڑ مستحق خانداناں کوں بارھاں ہزار روپے ڈیونڑ دا کم شفافیت نال جاری اے،مزدوراں اتے کارکناں کوں وی ریلیف ڈتا ویندا پئے،منتخب عوامی نمائندے اپنڑے حلقیاں اچ مستحقین دی نشاندہی کرن تاں جو انہاں کوں انہاں دا حق مل سگے۔انہاں عوام کوں ریلیف ڈیونڑ دے کم اچ ہتھ ونڈاونڑ کیتے وڈی تعداد اچ رضاکاراں دی کورونا ریلیف ٹائیگر فورس اچ شمولیت دی تعریف کریندے آکھیے جو ڈاہ لکھ رضاکاراں دی کورونا ریلیف ٹائیگر فورس توں کم گھنڑ کیتے ٹی او آرزبنڑا گھدن،اے فورس خدمت دے جذبے نال عوام کوں ریلیف ڈیونڑ اتے ضلعی انتظامیہ دی مددکیتے کم کریسی،ایندے کیتے سیالکوٹ اچ ہک پائلٹ پراجیکٹ کامیاب تھی چکیے جیندی مثال تے ٹائیگر فورس دا بھرپور استعمال کیتا ویسی۔ایں موقع تے وزیربرائے منصوبہ بندی اسد عمر کورنا وائرس دکی صورتحال بارے اجلاس کوں بریفنگ ڈتی۔
