آزاد کشمیر اچ الیکشن ڈیوٹی تے مامور پاک فوج دی کوئیک رسپانس فورس دی گاݙی کوں حادثہ ،4 جوان شہید ،سویلین ڈرائیور سودھے چار زخمی

راولپنڈی ۔25جولائی (اے پی پی):آزاد کشمیراچ الیکشن ڈیوٹی تے مامور پاک فوج دی کوئیک رسپانس فورس دی گاݙی کوں حادثہ پیش آئے جیں اچ چار نینگر شہید جݙاں جو سویلین ڈرائیورسودھے چارزخمی تھی ڳئن ۔پاک فوج دے شعبہ تعلقات عامہ(آئی ایس پی آر) توں جاری پریس ریلیز موجب پاک فوج دی گاݙی خطرناک موڑ کٹیندے ہوئیں لسوا دے نیڑے کھݙے اچ ونڄ ڈٹھی ۔حادثہ اچ گاݙی دا سویلین ڈرائیور وی زخمی تھئے ۔ زخمیاں کوں کڈھ ڳھدا ڳئے اتے انہاں کوں نیڑے ابتدائی طبی امداد ݙتی ویندی پئی اے