اسلام آباد۔ 10 ستمبر (اے پی پی) سپریم کورٹ آف پاکستان تے نیشنل ڈیٹا بیس اینڈ رجسٹریشن اتھارٹی (نادرا) سپریم کورٹ دی موبائل ایپلی کیشن تے ویب سائٹ دیاں خذمتاں کوں ٻیا موثر بݨاوݨ کیتے سانجھے تعاون دی یادداشت تے دستخط کرݙتے۔ سپریم کورٹ دے شعبہ تعلقاتِ عامہ دے جاری اعلامیہ موجب یادداشت دے تحت نادرا سپریم کورٹ دی ویب سائٹ تے موبائل ایپلی کیشن کیتے ہوسٹنگ، بیک اینڈ انفراسٹرکچر، …
سپریم کورٹ تے نادرا وچال ڈیجیٹل تعاون دا معاہدہ، شہریاں کیتے عدالتی خذمتاں ٻیاں سوکھیاں بݨاوݨ دا عزم
اسلام آباد۔ 10 ستمبر (اے پی پی) سپریم کورٹ آف پاکستان تے نیشنل ڈیٹا بیس اینڈ رجسٹریشن اتھارٹی (نادرا) سپریم کورٹ دی موبائل ایپلی کیشن تے ویب سائٹ دیاں خذمتاں کوں ٻیا موثر بݨاوݨ کیتے سانجھے تعاون دی یادداشت تے دستخط کرݙتے۔ سپریم کورٹ دے شعبہ تعلقاتِ عامہ دے جاری اعلامیہ موجب یادداشت دے تحت نادرا سپریم کورٹ دی ویب سائٹ تے موبائل ایپلی کیشن کیتے ہوسٹنگ، بیک اینڈ انفراسٹرکچر، تکنیکی معاونت تے ݙیکھ بھال دیاں خذمتاں ݙیسی ڄݙاں جو سپریم کورٹ دیاں ضرورتاں موجب منظور شدہ اپ گریڈز تے بہتری کیتے وی معاونت جاری رکھیسی۔ یادداشت تے سپریم کورٹ دی پاسوں رجسٹرار سپریم کورٹ ڄݙاں جو نادرا دی پاسوں چیف پروجیکٹس افسر دستخط کیتے۔ سپریم کورٹ موجب ڈیجیٹل پلیٹ فارمز دے ذریعے سائلین، وکلاء تے عوام کوں عدالتی کاز لسٹس، فیصلیں تے ٻیاں مجاز عدالتی و ادارہ جاتی معلومات تئیں سوکھی رسائی حاصل اے۔ نادرا سپریم کورٹ دی 1818 ہیلپ لائن کیتے وی تکنیکی معاونت جاری رکھیسی جیندے نال عوامی سہولت تے ڈیجیٹل رابطے کوں ٻیا مضبوط بݨاوݨ اچ مدد ملسی۔ سپریم کورٹ موجب نادرا دے نال تعاون عدالت دے وسیع تر اصلاحاتی ایجنڈے دا حصہ اے جیندا مقصد ٹیکنالوجی دے استعمال نال عدالتی خذمتاں کوں زیادہ قابلِ رسائی، محفوظ، موثر تے عوام دوست بݨاوݨا تے شہریاں کوں عدالتی معلومات و خذمتاں تئیں سوکھی رسائی ݙیوݨ اے۔
