ڈیجیٹل میڈیا اساݙا مستقبل اے، ففتھ جنریشن اتے ہائبرڈ وار ہک حقیقت اے، فرقہ وارانہ فسادات دے پچھوں ساریاں توں وݙا ہتھ بھارت اچ ٻیٹھے پاکستان مخالف لوکاں دا اے، وفاقی وزیر اطلاعات چوہدری فواد حسین دی ڈیجیٹل میڈیا نال ڳالھ مہاڑ

اسلام آباد۔15اگست (اے پی پی) وفاقی وزیر اطلاعات تے نشریات چوہدری فواد حسین آکھیا جو ڈیجیٹل میڈیا اساݙا مستقبل اے، ففتھ جنریشن اتے ہائبرڈ وار ہک حقیقت اے، فرقہ وارانہ فسادات دے پچھوں ساریاں توں وݙا ہتھ بھارت اچ ٻیٹھے پاکستان مخالف لوکاں دا اے۔پاکستان دے ہک پاسوں بھارت اتے ݙوجھے پاسوں افغانستان اے، ایں پاروں اساݙے خطے کوں ٻہوں اوکھ اچ ہن، اساں آپݨے زمینی حقائق دے مطابق فیصلے کرݨے ہوندن، فرقہ وارانہ فسادات دے پچھوں ساریاں توں وݙا ہتھ بھارت اچ بیٹھے لوکاں دا اے۔ ریاست مخالف بیانیہ کوں بھارت توں سپورٹ ملی، ڈیجیٹل میڈیا ونگ دی رپورٹ اچ پاکستان کوں درپیش ہائبرڈ وار دی ہک جھلکی پیش کیتی ڳئی اے۔ اے ڳالھیں انہاں ڈیجیٹل میڈیا نال ڳالھ مہاڑ کریندیں ہوئیں آکھی۔ انہاں آکھیا جو اساکوں اصل اتے جعلی خبر اچ فرق ڳولݨ دا چیلنج اے، امریکہ دے سابق صدر اوباما 2013ء اچ آکھیا ہئی جو حکومتاں دا ساریاں توں وݙا چیلنج فلو آف انفارمیشن نال نبڑݨ اے۔