اسلام آباد۔22اگست (اے پی پی) بلوچستان اچ سکیورٹی فورسز دی گاݙی بارودی سرنگ نال ٹکراوݨ پاروں کیپٹن کاشف شہید تھی ڳئے۔ اتوار کوں پاک فوج دے شعبہ تعلقات عامہ (آئی ایس پی آر) دے مطابق بلوچستان اچ گجک دے علاقے توبو اچ سکیورٹی فورسز دی گاݙی بارودی سرنگ نال ٹکرا ڳئی۔ سکیورٹی فورسز دی ڳاݙی کوں دہشت گرداں گجک دے علاقے توبو اچ نشانہ بݨایا، جئیں پاروں کیپٹن کاشف شہید جݙانجو ݙو نینگر زخمی تھی ڳئے۔ آئی ایس پی آر دے مطابق واقعے دے فوراً بعد زخمیاں کوں علاج کیتے خضدار پڄا ݙتا ڳئے۔
