اسلام آباد۔3ستمبر(اے پی پی)وزیر مملکت اطلاعات و نشریات فرخ حبیب آکھیے جو پاکستان ہمیش افغانستان بارے ذمہ دارانہ کردار ادا کیتے، اڄ پاکستان افغانستان توں انخلا اتے ایندے بعد امدادی سرگرمیاں اچ وی فعال اے بھل افغانستان دی سرزمین پاکستان دے خلاف استعمال کیتی اے، اڄ افغانستان اچ بھارت دا ناں ڳھنݨ آلا کوئی کاعنی اتے مودی دی ہر بازی پلٹ ڳئی اے۔ اے ڳالھ انہاں اسلام آباد اچ پاک افغان یوتھ فورم نال خطاب کریندے آکھی۔ انہاں آکھیا جو افغان مہاجرین دی مہمانداری، 80 ہزار پاکستانیاں دی جانی قربانی، 150 ارب ڈالر دے مالی ضیان دے نال نال افغانستان توں انخلاء سودھا پاکستان ہر ڄاہ تے مثبت رہے، امن کیتے افغانستان اچ کردار ادا کریندے راہسوں۔ انہاں آکھیا جو اے پاکستان ہی نئیں پورے ڄڳ کیتے ہک چیلنج اے جو ہک ملک 20 سال رہے اتے ونڄݨ ویلھے انسانی بحران پچھو چھوڑ ڳئے۔
