اسلام آباد۔6ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو چھی ستمبر دا سجھ ہر سال اساݙے قومی ولولے دی یاد تازہ کرݨ تے وطن کیتے آپݨی جان قربان کرݨ دے عہد دی تجدید کیتے ابھردے ، یوم دفاع پاکستان اساݙے ملی اتحاد و یکجہتی دا بہترین عکاس اے،اساں پاکستان دی مسلح افواج دے نال رل تے مادر وطن دے تحفظ کیتے کوئی کسر چا نہ رکھیسوں ، اے ڳالھ انہاں یوم دفاع پاکستان دے موقع تے آپݨے پیغام اچ آکھی اے ۔وفاقی وزیر اطلاعات آکھیے جو 6 ستمبر دا سجھ ہر سال قومی ولولے دی یاد تازی کرݨ تے وطن کیتے آپݨی جان قربان کرݨ دے عہد دی تجدید کیتے ابھردے ، 6 ستمبر 1965ء کوں اساݙی بہادر مسلح افواج پوری قوم دے شانہ بشانہ دشمن دے عزائم کوں ناکام بݨا تے ہمیشہ ہمیشہ کیتے ایں ݙینھ کوں جرات و بہادری، ایثار و قربانی اتے قومی یکجہتی دا استعارہ بݨائے ۔ اساں انہاں لمحیں کوں مشعل راہ بݨدیندے ہوئیں اندرلے چیلنجز و ٻاہرلیاں سازشاں کوں شکست ݙتی تے جذبہ 6ءستمبر ہی اساکوں خودانحصاری دی منزل توں سرشار کرتے اساݙی آزادی اتے خودمختاری کوں ناقابلِ تسخیر بݨا ݙتا۔ انہاں آکھیے جو اساں پاکستان دی مسلح افواج دے ںال رل تے مادر وطن دے تحفظ کیتے کوئی کسر نہ چھوڑیسوں ۔یوم دفاع پاکستان اساݙے ملی اتحاد و یکجہتی دا بہترین عکاس اے۔
