سینیٹ نشست تے انتخابات: مشیر خزانہ شوکت ترین دے کاغذات نامزدگی جمع، پولنگ 20 دسمبر کوں تھیسی

اسلام آباد۔2دسمبر(اے پی پی)خیبرپختونخوا اچ سینیٹ دی خالی نشست کیتے مشیر خزانہ شوکت ترین دے کاغذات نامزدگی جمع کرا ݙتے گئن، صوبائی وزراء کامران بنگش اتے تیمور جھگڑا انہاں دے کاغذات جمع کرائن۔ پولنگ 20 دسمبر کوں خیبرپختونخوا اسمبلی دی عمارت اچ تھیسی۔ وزیر برائے اعلیٰ تعلیم کامران بنگش مشیر خزانہ شوکت ترین دے تجویزکار اتے صوبائی وزیر صحت و خزانہ تیمور جھگڑا شوکت ترین دے تائید کنندہ ہین۔ پولنگ 20 دسمبر کوں سویلے 9 توں شامی 4 وڄے تئیں تھیسی۔ شوکت ترین دا ووٹ مردان اچ رجسٹرڈ اے اتے انہاں دی زال وی خیبر پختونخوا توں ہین۔