اسلام آباد۔22دسمبر (اے پی پی) وزیراعظم دے مشیر برائے تجارت عبدالرزاق داؤد آکھیا جو دبئی ایکسپو دے 82 ݙینھ اچ پاکستانی پویلین دا 5 لکھ لوکاں دورہ کیتے۔ بدھ کوں ہک بیان اچ مشیر تجارت آکھیا جو ایں نمائش اچ پاکستان ہر ݙینھ دی بنیاد تے ثقافتی ایونٹ کرائن۔ انہاں آکھیا جو پاکستان دے مختلف علاقیاں دی ثقافت نال وزیٹرز کوں سنڄاݨ کرائی ڳئی اے۔ آرٹیفیشل انٹیلیجنس نال پاکستان دے سیاحتی جہیں دی تشہیر کیتے سکریناں لاتی ڳئن۔
