اسلام آباد۔22دسمبر (اے پی پی):وزیر اعظم دے مشیر خزانہ ومحصولات شوکت ترین ملک اچ کھنڈ اتے اٹے دیاں قیمتاں اچ استحکام تے اطمینان دا اظہار کریندے ہوئیں وزارت صنعت و پیداوار کوں مستقبل اچ کھنڈ دیاں قیمتان اچ ودھارے توں بچݨ کیتے سٹرٹیجک ذخائر بݨاوݨ دی ہدایت کیتی اے ۔مشیرخزانہ آکھیے جو حکومت ملک اچ ضروری چیزاں دی سہل اتے ہموار فراہمی کوں یقینی بݨاوݨ کیتے سارے ممکنہ اقدامات کریندی پئی اے ، اے ڳال انہاں ٻدھ کوں اتھاں نیشنل پرائس مانیٹرنگ کمیٹی دے اجلاس دی صدارت کریندے ہوئیں آکھی اے ۔ اجلاس اچ وفاقی وزیر سید فخر امام، وزیر مملکت برائے اطلاعات و نشریات فرخ حبیب، سیکریٹری خزانہ، سیکریٹری صنعت و پیداوار، ایڈیشنل سیکریٹری تجارت، صوبائی چیف سیکریٹریز،پاکستان بیوروبرائے شماریات دے چیف شماریات ، یوٹیلیٹی سٹورز کارپوریشن دے منیجنگ ڈائریکٹر، متعلقہ حکام اتے ٻئے سینئر افسران شرکت کیتی
