اسلام آباد۔22دسمبر(اے پی پی)وزیر داخلہ شیخ رشید احمد آکھیے جو اسلام آباد اچ مسیحی برادری کیتے پکی چھت دکا انتظام کریسوں، مسیحی پاکستان دے وفادار ہین، ایکنک نالہ لئی ایکسپریس وے کیتے 100 ارب روپے دی منظوری ݙتی اے۔ اے ڳالھ انہاں اسلام آباد اچ بین المذاہب ہم آہنگی ڈائیلاگ اچ خطاب کریندے آکھی۔ وفاقی وزیر داخلہ آکھیا جو مسیحی پاکستان دے وفادار اتے خود دار لوک ہین، اے محنت نال روزی روٹی کماندن بھل کہیں دے اڳو ہتھ نئیں پھیلیندے، اڄ جدید راولپنڈی کیتے ایکنک 100 ارب روپے نالہ لئی اتے رنگ روڈ کیتے 30 ارب روپے منظور کیتن ڄݙاں جو 7 ارب روپے ما اتے ٻال ہسپتال کیتے منظور کیتے، سی ڈی اے کوں آکھ تے مسیحی ٻھیݨ ٻھراواں کیتے پکی چھت دا انتظام کریساں جیکر جیندا ریہا تاں مسیحی برادری کوں انڄھ کالونی دی ڄاہ ݙے تے ویساں۔
