اسلام آباد۔22دسمبر(اے پی پی)وزیراعظم عمران خآن آکھیے جو پاکستان اتے ناروے وچال سیاسی، اقتصادی اتے ہکو ڄھیں فیدے آلے شعبیاں اچ ڳانݙھا ودھاوݨ دے وݙے مواقع ہین۔ اے ڳالھ وزیراعظم عمران خان ناروے دے سفیر البرٹ الساس نال ملݨ ویلھے آکھی۔ وزیراعظم ݙوہاں ملکاں دے چنڳے تعلقات کوں ٻیا تکڑا کرݨ تے زور ݙیندے آکھیے جو ݙوہاں ملکاں وچال اقتصادی تعلقات ودھدے پین۔ ناروے دے سفیر وزیراعظم عمران خان کوں ناروے دے عوام ولوں نیک خواہشات پچائن۔ انہاں وزیراعظم کوں اسلامی تعاون تنظیم کونسل دے وزرائے خارجہ دے 70 ویں غیر معمولی اجلاس دی کامیابی تے وی مبارک ݙتی۔ وزیراعظم ناروے دے وزیراعظم کوں تیکھے پاکستان دے دورے دی دعوت ݙتی۔
