اسلام آباد۔29دسمبر (اے پی پی):سینیٹ اچ قائد ایوان ڈاکٹر شہزاد وسیم آکھیے جو وزیراعظم عمران خان مسئلہ کشمیر عالمی سطح تے چنڳے انداز اچ چاتے، ٻدھ کوں سینیٹ اجلاس اچ قائد حزب اختلاف سید یوسف رضا گیلانی دے اعتراض دے نکتے تے ولدا ݙیندے ہوئیں آکھیے جو او آئی سی وزرائے خارجہ دا خصوصی اجلاس پاکستان اچ تھئے ہݨ او آئی سی دا باضابطہ اجلاس مارچ اچ تھیسی ڄیں اچ مسئلہ کشمیر کوں چنڳے انداز نال چاتا ویسی ۔ وزیراعظم عمران خان مسئلہ کشمیر کوں عالمی سطح تے چنڳے انداز اچ چاتے ، ایندے توں پہلے سینیٹ اچ قائد حزب اختلاف سید یوسف رضا گیلانی آکھیے جو بھارت دے غیر قانونی زیر تسلط جموں و کشمیر اچ ہزاراں لوکاں کوں شہید کیتا ڳئے ، انسانی حقوق دیاں خلاف ورزیاں تھیندیاں پئن ، او آئی سی دے فورم تے کشمیر دی صورتحال کوں چنڳے انداز اچ چاتا ونڄے ، دستاویزی فلماں دے ذریعے بھارتی ظلم کوں بے نقاب کیتا ونڄے۔
