اسلام آباد۔29دسمبر (اے پی پی):وزیر اعظم دے معاون خصوصی صحت ڈاکٹر فیصل سلطان آکھیے جو اساݙی کوشش اے جنوری اچ مدر اینڈ چائلڈ کیئر ہسپتال کوں کجھ حد تئیں آپریشنل کرݙتا ونڄے۔اے ڳال انہاں مدر اینڈ چائلڈ کیئر ہسپتال دا دورہ کریندے ہوئیں آپݨے خطاب اچ آکھی اے ، انہاں آکھیے جو ایں ہسپتال کوں 17سال تھی چکئن ۔ما تے ٻال دے صحت کوں سامݨے رکھݨ لازمی اے ،فیصل سلطان آکھیے جو ایں پراجیکٹ تے کروڑاں روپے لڳ چکئن جیں کوں مکمل کریسوں ، انہاں آکھیے جو فروری دے چھیکڑ اچ اے ہسپتال کم شروع کرݙیسی ۔ پنجاب ، گلگت بلتستان اتے بئے علاقیں اچ صحت کارڈ پروگرام شروع تھیوݨ ویندا پئے ، انہاں آکھیے جو صحت کارڈ اتے ایندی ڈیلوری دا معیار بہتر کریسوں ۔
