اسلام آباد۔29دسمبر (اے پی پی):وزیر خارجہ مخدوم شاہ محمود قریشی آکھیے جو اساکوں پاکستان دی خارجہ پالیسی کوں تکھے بدلدے ہوئے رجحانات دے مطابق مرتب کرݨا ہوسی، ،اقتصادی سفارت کاری صرف ھک لفظ کائنی بلکہ اساݙے ترقیاتی ایجنڈے اتے اساݙے سفارتی اثاثیں توں فیدہ چاوݨ دا ھک جامع خاکہ اے۔بدھ کوں فارن سروس اکیڈمی اچ منعقدہ پروبیشنرز دی پاسنگ آئوٹ تقریب توں خطاب کریندے ہوئیں افسران کوں آکھیے جو دفتر خارجہ دی طرفوں اتھاں اتے ٻاہرلے ملک اساݙے مشنز دے ذریعے ݙتی ڳئی قونصلر خدمات اساݙی خصوصی ذمہ داری اے ۔ جنہاں کوں تساں وی چنڳے طریقے نال نبھاوݨا اے ، انہاں آکھیے جو حکومت پاکستان ٻاہرلے ملک رہݨ آلے پاکستانیاں کوں عزت ݙیوݨ انہاں دی جان تے دلوں خدمت کرݨ کیتے پرعزم ہے۔وزیر خارجہ پروبیشنرز کوں آکھیے جو تساکوں چاہیدے جو آپݨی تعلیمی استعداد اچ ودھارا کرن ، لکھن، تجزیہ کرن۔ اپݨے آپ کوں اپݨی میز تے موجود فائلاں تئیں محدود نہ رکھن۔اپݨے آپ کوں اپ ڈیٹ رکھن، اپݨی حاصل کیتی ڳئی تعلیم و تربیت کوں ملک دی بے لوث خدمت کیتے بروئے کار گھن آوݨ دی کوشش کرن اتے ہمیشہ آپݨے حوصلے اچے رکھن تے وسائل دیاں رکاوٹاں کوں بالائے طاق رکھیندے ہوئیں اڳوں ودھن تے ڈیجیٹل دور دے چیلنجزکوں ہمیشہ ذہن نشین رکھن تے ڈیجیٹل ٹیکنالوجی توں پوری طرح فیدہ چاون ۔
