اسلام آباد۔29دسمبر(اے پی پی)وزیراعظم عمران خان پاکستان دی ڈائمنڈ جوبلی تقریبات شایان شان مناوݨ دی ہدایت کریندے ہوئے آکھیے جو پاکستان دی 75ویں سالگرہ تے نینگراں کوں پاکستان ٻݨاوݨ دا مقصد اتے علامہ اقبال دے سنیہے دی اصل تشریح سمجھاوݨ دی لوڑھ اے، قدرت پاکستان کوں ہر نعمت ݙتی اے جیندے توں فیدہ چاوݨ دی لوڑھ اے۔ اے ڳالھ انہاں پاکستان دی ڈائمنڈ جوبلی 2022 دی تقریبات دی تیاری سانڳے جائزہ اجلاس دی صدارت کریندے آکھی۔ اجلاس اچ وفاقی وزیر اطلاعات و نشریات چوہدری فواد حسین، وفاقی وزیر خزانہ شوکت فیاض ترین، معاونین خصوصی ڈاکٹر شہباز گل، شہزاد نواز اتے سینئر افسران شرکت کیتی۔ وفاقی وزیر اطلاعات و نشریات چوہدری فواد حسین تقریبات دیاں تیاریاں تے بریفنگ ݙتی۔ تقریبات اچ پاکستان دی تاریخ، ثقافت قومی ہیروز، تحریک پاکستان دیاں مہاندریاں تریمتیں، مقامی کھیݙاں، سیاحت، معیشت، گرین پاکستان اتے دوست ملکاں نال تعلقات سانڳے دستاویزی فلماں اتے پروگرام رکھیے ویسن۔ وزیراعظم ہدایت کیتی جو ڈائمنڈ جوبلی تقریبات شایان شان منایاں ونڄن۔
