راولپنڈی۔5جنوری (اے پی پی):پاک فوج دے شعبہ تعلقات عامہ (آئی ایس پی آر) دے ڈائریکٹر جنرل میجر جنرل افتخار بابرآکھیے جو پاک فوج ملک کوں پیش آندے اندرلے تے ٻاہرلے خطریں توں پوری طرح آگاہ اے اتے انہاں دا ولدا ݙیوݨ دی پوری صلاحیت رکھیندی اے ، کالعدم ٹی ٹی پی دے خلاف آپریشن تھیندا پئے، افغانستان دی عبوری حکومت کوں آکھیے کوں آکھیا ہئی جو آپݨی سرزمین ٹی ٹی پی کوں پاکستان دے خلاف استعمال نہ کرݨ ݙیو ، ملک توں کئی دہشت گرد تنظیماں کوں ختم کرݙتے ، افغانستان دی سرحد تے باڑ لاوݨ دا کم وی وختی مکمل کریسوں ، نیشنل ایکشن پلان دے تحت 78 توں ودھ دہشت گرد تنظیماں دے خلاف بھرپور کارروائیاں کیتیاں ڳئن ، کہیں مسلح بندے یا گروہ کوں قانون ہتھ اچ گھنݨ دی اجازت نی ݙتی ونڄ سڳدی ، ملک دشمن عناصر مذموم مقاصد دے حصول کیتے حکومت، عوام، افواج پاکستان اتے اداریں وچال خلیج پیدا کرݨ چاہندن ، کوڑے تے آپوں گھڑیے پروپیگنڈے دے ذریعے مذموم عزائم دے حصول کیتے انہاں ساریاں مذموم کوششاں ناکام تھیسن ، اے ڳال انہاں ٻدھ کوں اتھان پریس کانفرنس توں خطاب کریندے ہوئیں آکھی اے انہاں آکھیے جو پریس کانفرنس دا مقصد خطہ دی صورتحال دا جائزہ گھنݨ اے ، لائن آف کنٹرول تے پورا سال امن رہیا،ایل او سی دے نال آبادی دے حالات اچ بہتری آئی اے، بھارت اندرلے طور تے مذہبی انتہا پسندی دا شکار اے بھاررتی فوجی قیادت ولوں پاکستان دے خلاف منفی اتے کوڑا پروپیگنڈا کیتا ڳئے انہاں آکھیے جو مقبوضہ کشمیر اچ انسانی تاریخ دا بدترین محاصرہ جاری اے، بھارت مقبوضہ کشمیر اچ ظلم دا بازار گرم کر رکھیے ، بھارت جنیوا تے عالمی معاہدیں دیاں خلاف ورزیاں کریندا پئے انہاں آکھیے جو یوم حق خود ارادیت تے کشمیریاں کوں خراج عقیدت پیش کریندوں ۔افغانستان دی صورتحال دا ذکر کریندے ہوئیں انہاں آکھیے جو افغانستان توں غیر ملکی افواج دے انخلاء دے اثرات پاکستان تے وی پئن کیوں جو افغانستان اچ قانون نافذ کرݨ آلے اداریں دا خلاء پیدا تھی ڳئے ، امید اے جو صورتحال اچ وختی بہتری آسی ۔ ترجمان پاک فوج آکھیے جو پاک۔افغان بارڈر تے لاتی باڑ ݙوہیں پاسوں دے عوام کوں تحفظ ݙیندی پئی اے تے طے شدہ طریقہ کار دے مطابق آمدورفت جاری اے، پاک۔افغان سرحد تے باڑ لاوݨ دا 94 فیصد جݙاں جو پاک۔ایران سرحد تے باڑ لاوݨ دا 71 فیصد کم مکمل کرڳھدا ڳئے ، باڑ لاوݨ اچ اساݙے شہداء دا خون شامل اے، امن دے مقصد دے حصول کیتے مسئلے چنڳے طریقے نال حل کرݨ چاہندوں ، پاکستان، افغانستان اچ مکمل ہم آہنگی پاتی ویندی اے ، پاک افغان بارڈر تے پاکستان دی 12 ہزار توں ودھ بارڈر پوسٹاں ہن ، بارڈر سکیورٹی کوں مستحکم کرݨ سانگے ایف سی کیتے 67 نویں ونگ قائم کیتن ، سمگلنگ، منشیات دی نقل و حمل تے قابو پاوݨ اچ کامیابی ملی اے۔ میجر جنرل بابر افتخار آکھیے جو افغانستان دی موجودہ صورتحال سنگین انسانی المیہ کوں جنم ݙے سڳدی اے ، آرمی چیف جنرل قمر جاوید باجوہ مختلف اجلاساں تے ملاقاتاں دے دوران افغانستان دی صورتحال دے معاملے کوں چاتے ۔ آئی ایس پی آر دے ڈائریکٹر جنرل آکھیے جو آپریشن ردالفساد ٻہوں منفرد نوعیت دا ہئی ، خفیہ اطلاعات دی بنیاد تے 60 ہزار آپریشن کیتے ڳئن انہاں کارروائیاں اچ فوجی، سول اتے قانون نافذ کرݨ آلے اداریں اہم کردار ادا کیتے ، سکیورٹی فورسز دہشت گرداں دے خلاف آپریشن توں انہاں دا انفراسٹرکچر تباہ کیتا، 890 سکیورٹی الرٹ جاری کرتے دہشت گردی کد 70 فیصد واقعات روکݨ اچ مدد ملی اے ، دہشت گردی دے واقعات اچ ملوث مجرماں تے انہاں دے سہولت کاراں کوں بے نقاب کیتا ڳئے ، قبائلی علاقیں توں 70 ہزار توں ودھ بارودی سرنگاں کوں تلف کیتا ڳئے ایں دوران سکیورٹی فورسز دے ٻہوں جوان شہید تے زخمی تھئن ۔
