اسلام آباد۔9جنوری (اے پی پی):وزیر خارجہ مخدوم شاہ محمود قریشی ترائے ݙینھ دے غیرملکی دورے دے پہلے مرحلے اچ رومانیہ پڄ ڳئن ۔ بخارسٹ بین الاقوامی ہوائی اݙے تے رومانیہ اچ پاکستان دے سفیر ڈاکٹر ظفر اقبال اتے رومانیہ دی وزارتِ خارجہ دے سینئر حکام وزیر خارجہ دا خیر مقدم کیتے۔اتھاں ملݨ آلی پریس ریلیز موجب وزیر خارجہ رومانیہ دا دورہ،رومانیہ دے وزیر خارجہ بوگدان اوریسکو دی دعوت تے کریندے پئن ، وزیر خارجہ رومانیہ اچ ، رومانیہ دے وزیر اعظم نکولای ایونل چیوکا، وزیر خارجہ بوگدان اوریسکو اتے وزیر اقتصادی امور سودھے اہم قیادت دے نال ملاقات کریسن ۔
