اسلام آباد۔13جنوری (اے پی پی):وزیراعظم دے مشیر پارلیمانی امور ڈاکٹر بابر اعوان آکھیے جو اپوزیشن کوں دعوت ݙینداں جو قانون سازی کیتے سیاسی بالغ نظری دا مظاہرہ کریندے ہوئیں آپݨی ترامیم ایوان اچ پیش کرن ، عمران خان دی حکومت تے سارے ارکان تے اتحادیاں دا مکمل اعتماد اے، قانون سازی اکثریت نال منظور کرویسوں ۔ خمیس کوں اتھاں پی آئی ڈی اچ پریس کانفرنس توں خطاب کریندے ہوئیں ڈاکٹر بابر اعوان آکھیے جو اپوزیشن جیں وجہ توں ایوان دے اندر دی بجائے باہر احتجاج اچ حصہ گھنݨا چاہندی اے او اساکوں پتہ اے ، اساں قومی اسمبلی اچ 64 آئٹم گھن تے ویندے پیوں جیں اچوں 59 قانون سازی متعلق ہن اتے اے قانون سازی سیاسی کائنی قومی اے۔ انہاں آکھیے جو پاکستان تحریک انصاف دے ارکان اتے اتحادیاں دا وزیراعظم تے مکمل اعتماد اے اتے او سارا ڄاݨدن جو پاکستان سدھے پاسے ویندا پئے ۔ انہاں آکھیے جو پاکستان دی تاریخ دے ساریں توں وݙے قرضیں اچوں 13 پروگرام مسلم لیگ ن اتے پاکستان پیپلز پارٹی دے دور حکومت اچ ڳھدے ڳئن انہاں وی ٹیکس اصلاحات متعلق آئی ایم ایف دے مطالبات منیے۔ انہاں آکھیے جو ھک پاسے پاکستان دی تاریخ دے 71سال ہن تے ݙوجھے پاسے عمران خان دے صرف ترائے سال ہن ، عمران خان دی حکومت دا 71 سالاں توں موازنہ کر تے ݙیکھ گھنو تساکوں واضح کامیابیاں نظر آسن ۔انہاں آکھیے جو میونسپل کارپوریشن اسلام آباد دی تشکیل نو کیتے قانون سازی کیتی ویندی پئی اے ، 100 اتے 104 دے درمیان یو سی آئی بݨسن ، پہلی دفعہ اسلام آباد دے میئردا براہ راست انتخاب تھیسی ایندنی کابینہ اچ6 ایکسپرٹ اتے پروفیشنلز رکھیسوں جیڑھی جو شہر دی ترقی، تعلیم اتے صحت دیاں ضرورتاں دا خیال کریسوں ،نواز شریف کیتے باہر دے رستے بند تھیندے پئن اتے پاکستان دے اندر سدھے جیل دے رستے کھلدے پئن ، اوعلاج کراوݨ ڳئے ہن لیکن ڈاکٹر کنے ڳن نہ علاج تھئے ۔
