اسلام آباد۔21مارچ (اے پی پی) اسلامی تعاون تنظیم (او آئی سی ) دے وزرائے خارجہ کونسل دا 48 واں ݙو ݙینھ دا اجلاس اڄ اسلام آباد اچ شروع تھیسی، اجلاس دا موضوع “اتحاد، انصاف اتے ترقی کیتے سانجھے داری” اے ، کانفرنس دے شایان شان تیاریاں اتے انتظامات پورے کر ڳھدے ڳئن ۔ اسلامی تعاون تنظیم دے رکن ملکاں اتے مبصرملکاں دے وزرائے خارجہ اتےاعلیٰ سطح دے وفود اجلاس اچ شریک تھیسن جیڑھے جو 23 مارچ دی یوم پاکستان پریڈ اچ اعزازی مزمان دی حیثیت نال وی شرکت کریسن۔ چین دے وزیر خارجہ خصوصی دے طورتے وزرائے خارجہ کونسل دے اجلاس اچ شریک تھیسن۔
