اسلام آباد۔23مارچ(اے پی پی)وزیراعظم عمران خان آکھیے جو اپوزیشن اپݨے سارے کارڈ ݙکھا ݙتن، 27 مارچ دا جلسہ تاریخی ہوسی اتے اپوزیشن کوں وݙا سرپرائز ملسی، عدم اعتماد دا میچ جیتسوں، کہیں صورت استعفیٰ نہ ݙیساں، سیاست کیتے فوج کوں بدنام نہ کیتا ونڄے۔ صحافیاں نال الیندے وزیراعظم آکھیے جیکر پاکستانی فوج نہ ہووے تاں ملک 3 حصیاں اچ ونݙیج ویسی، فوج کوں غلط تنقید دا نشانہ ٻݨایا ویندے، مضبوط فوج ملک دی لوڑھ اے، سیاست کیتے فوج کوں بدنام نہ کیتا ونڄے۔ انہاں فضل الرحمان کوں سیاست دا 12واں کھلاڑی قرار ݙیندے آکھیے جو فضل الرحمان دے ہݨ ٹیم توں ٻاھرو تھیوݨ دا ویلھا آڳئے، (ن)لیگ اتے پی پی دی سیاست چوری اتے چوری لکاوݨ اے، کہیں کوں غلط فہمی تھی سڳدی اے جو میں ڳھر ٻیہہ ویساں، کیاں میں چوراں دے دبائو تے استعفیٰ ݙے ݙیواں۔ انہاں آکھیے جو چوہدری نثار نال ملدا رہنداں، ساݙا 40 سال پراݨا تعلق اے، کیا میں ٻھیڑی توں پہلے ہی ہتھ کھڑے کرݙیواں، حالی تاں ٻھیڑی شروع تھئی اے، اپوزیشن جو کڄھ کرݨا ہا کر ڳھدے، ہݨ انہاں کوں ٻہوں وݙا سرپرائز ݙیوݨ آلے ہیں جو انہاں کوں آپ پتا کائنی جو انہاں کولو کتنے لوک رہ ویسن، 27 مارچ دا جلسہ تاریخی ہوسی۔
