اسلام آباد۔24مارچ(اے پی پی)وزیر مملکت برائے اطلاعات و نشریات فرخ حبیب آکھیے جو لٹیراں دا ٹولہ لٹی قومی دولت بچاوݨ کیتے منتخب وزیراعظم عمران خان دے خلاف تحریک عدم اعتماد کیتے ہک مٹھ تھی ڳئے۔ پارلیمنٹ دے باہرو میڈیا نال الیندے انہاں آکھیا جو پی ٹی آئی دے اراکین قومی اسمبلی (ایم این اے) دی پارلیمنٹ اچ موجودگی وزیراعظم عمران خان پاروں اے جو انہاں پی ٹی آئی دے ٹکٹ تے الیکشن جیتے، وزیراعظم عمران خان کوں پوݨے ݙو کروڑ لوکاں ووٹ ݙتے، جیڑھے پی ٹی آئی ارکان وزیراعظم عمران خان دے ناں تے چݨیجن او پہلے استعفے ݙیون ول الیکشن لڑݨ تاں منوں جو او کتنے مقبول ہین، اے لوک کیویں کہیں ٻئی پارٹی کوں ووٹ ݙے سڳدن؟ سپریم کورٹ آف پاکستان آرٹیکل 63-A تے صدارتی ریفرنس دی تشریح کرتے معاملے کوں حل کرے جو اے جمہوریت کیتے ضروری اے، ہارس ٹریڈنگ دی ریت مکݨی چاہیدی اے، اپوزیشن ولا چھانگا مانگا دی سیاست ڄڳ ݙتی اے۔ انہاں آکھیا جو وزیراعظم عمران خان مقبول ترین لیڈر ہین جیکوں عوام دی پوری حمایت حاصل اے، 27 مارچ کوں ‘عوامی ریلی پلس’ ہوسی۔
