اسلام آباد۔25مارچ (اے پی پی) وزیر مملکت اطلاعات تے نشریات فرخ حبیب آکھیا جو ووٹ امانت، ایں اچ خیانت نی تھی سڳدی، پاکستان دے قانون اچ ضمیر فروشاں، ٻھگوڑے دا ہمیش واسطے راہ بند تھیوݨا چہیدے۔ جمعے کوں سپریم کورٹ دے ٻاہر میڈیا نال ڳالھ مہاڑ کریندیں ہوئیں وزیر مملکت اطلاعات تے نشریات فرخ حبیب آکھیا جو صدارتی ریفرنس اعلیٰ عدالتاں دے سامھے اے، عوام ایں سوال دا جواب منڳدی اے، جئیں ملک کوں لٹ کھادے، کیسز ثابت ہن، معاشرہ انہاں دے خلاف لڑدے، وزیرمملکت آکھیا جو عجیب تماشہ اے جو جئیں وزیراعظم دے خلاف عدم اعتماد جمع اے اوندے خلاف کوئی کرپشن دا کیس کائنی، جیڑھے عدم اعتماد ڳھدی امدن او سارے کرپٹ ہن۔
