اسلام آباد۔31مارچ (اے پی پی):وزیر مملکت اطلاعات و نشریات فرخ حبیب آکھیے جو اڄ خوشی دا ݙینھ اے وزیراعظم عمران خان آپݨا وعدہ وفا کرݙتے ،صوبہ پنجاب دے ہر خاندان کوں 10 لکھ روپے تئیں مفت علاج کیتے ہیلتھ کارڈ مل ڳئے۔ وزیر مملکت اطلاعات و نشریات آپݨے ھک ٹویٹ اچ آکھیے جو کے پی کے، آزاد کشمیر، گلگت بلتستان، اسلام آباد اتے تھرپارکر دے بعد پنجاب کوں وی صحت دیاں بہترین سہولتاں ݙے ݙتیاں ڳئن ۔ فرخ حبیب آکھیے جو پاکستان دے ساریں توں وݙے صوبہ پنجاب دے ہر خاندان یعنی 100% آبادی کوں سالانہ 10 لکھ تئیں مفت علاج کیتے ہیلتھ کارڈ مل ڳئے۔
