اسلام آباد۔5اپریل (اے پی پی) پاکستان تحریک انصاف دے وائس چیئرمین تے سابق وزیر خارجہ مخدوم شاہ محمود قریشی آکھیا جو غیر یقینی صورتحال کوں برقرار رکھݨ، پاکستان دےفائدے اچ کائنی، الیکشن کمیشن دی بنیادی ذمہ واری شفاف انتخابات کراوݨ اے۔ وزیراعظم کوں اختیار اے جو او کہیں ویلھے اسمبلیاں تحلیل کرݨ دی تجویز ݙے تے نویں انتخابات آلے پاسے آ سڳدن۔ اے ڳالھیں انہاں منگل کوں الیکشن کمیشن دے بیان تے رد عمل اچ آکھی۔ انہاں آکھیا جو ہک پاسے اساکوں افغانستان اچ عدم استحکام دا سامھا اے تاں ݙوجھے پاسے ہندوستان حادثاتی طور تے میزائل داغ تے خطے دے امن کوں تہہ و بال کریندا پئے۔ ایں حالات اچ ملک اچ غیر یقینی صورتحال کوں برقرار رکھݨ، پاکستان دے فائدے اچ کائنی۔
