صدر مملکت ڈاکٹر عارف علوی کوں بل گیٹس دا خط، دورے پاکستان اچ پرتپاک استقبال تے صدر مملکت دا شکریہ ادا کیتا، میݙے کیتے ”ہلال پاکستان“ حاصل کرݨ اعزاز دی ڳالھ اے، شریک چیئرمین بل اینڈ میلنڈا گیٹس فائونڈیشن

اسلام آباد۔5اپریل (اے پی پی) صدر مملکت ڈاکٹر عارف علوی کوں شریک چیئرمین بل اینڈ میلنڈا گیٹس فائونڈیشن، بل گیٹس خط بھیجے جئیں اچ انہاں دورے پاکستان اچ پرتپاک استقبال تے صدر مملکت دا شکریہ ادا کیتے اتے آکھیا جو میݙے کیتے ”ہلال پاکستان“ حاصل کرݨ اعزاز دی ڳالھ اے۔ منگل کوں ایوان صدر دے پریس ونگ ولوں جاری بیان دے مطابق بل گیٹس آپݨے خط اچ پاکستان دے ہرٻال دی صحت اتے بہبود دے تحفظ کیتے صدرمملکت دے عزم دی تعریف کیتی اتے آکھیا جو پاکستان دی آوݨ آلی نسلاں کیتے پولیو توں پاک مستقبل یقینی ٻݨاوݨ دا کم قابل تعریف اے۔