اسلام آباد۔15جون(اے پی پی)وزیراعظم شہباز شریف پٹرولیم مصنوعات دا ہک واری ول ملھ ودھاوݨ دی سمری مسترد کریندے ہوئے قیمتاں برقرار رکھݨ دی ہدایت کیتی اے۔ ݙسایا ڳئے جو وزارت خزانہ آکھیے جو پٹرول دا ملھ 23 روپے اتے ڈیزل دی 53 روپے قیمت ودھاوݨ دا کوئی امکان کائنی، اڄ پٹرول مہانگا نہ تھیسی اتے وزیر اعظم شہباز شریف پٹرولیم قیمتاں ودھاوݨ دی سمری مسترد کرݙتی اے۔ ایں توں پہلے اوگرا پٹرولیم مصنوعات دا ملھ ہک واری ول ودھاوݨ دی سمری حکومت کوں ٻھیڄی ہئی۔ آئل اینڈ گیس ریگولیٹری اتھارٹی (اوگرا) حکومت کوں پٹرول 29 ڄݙاں جو ڈیزل 55 روپے فی لٹر مہانگا کرݨ دی سمری ٻھجی ہئی۔
