اسلام آباد۔16جون (اے پی پی) سینیٹ اچ ممتاز ادیب گوپی چند نارائن دے انتقال تے ھک منٹ کیتے چپ کیتی ڳئی۔ سینیٹ اجلاس اچ سینیٹر دنیش کمار ݙسایا جو ممتاز ادیب اتے مصنف گوپی چند نارائن انتقال کرڳئن ، انہاں دی اردو زبان و ادب کیتے وݙیاں خدمات ہن، اساں انہاں دے انتقال تے دلی ݙکھ تے افسوس کریندوں ۔ سینیٹرعرفان صدیقی آکھیے جو گوپی چند نارائن 65 کتاباں دے مصنف ہن ، پاکستان تے بھارت انہاں کوں اعزازات نال نوازیے ، انہاں دی وفات اردو ادب دا ٻہوں وݙا ضیان اے۔ سینیٹر یوسف رضا گیلانی آکھیے جو گوپی چند نارائن ھک ٻہوں وݙے مصنف ہن ، اردو ادب اچ انہاں دی خدمات ہمیشہ یاد رکھیاں ویسن ۔ ایوان اچ گوپی چند نارائن کوں خراج عقیدت پیش کرݨ کیتے ھک منٹ کیتے سارے ارکان چپ کیتی۔
